ZFriend - au8ust

ຍັງເລົ່າຄຶດຮອດນ້ອງຂລັງຂອດໃນມະໂນຍິ່ງແລ້ວ ໝາຍຈັກຈອນຈົງພຣະທັຍບໍ່ໄລລານ້ອງ ຜີຈັກພິຈານຫ້ອງຫົນພຣະອົງອັນອ່າວວັນນັ້ນຄັນບໍ່ໄດ້ດັ່ງແມ້ງ ເໝືອນໄມ້ຫອດຫິວ ແທ້ແລ້ວ ເມື່ອນັ້ນສົມປະເສີດເຈົ້າເຈັຽຣະຈາກພຣະວິຫານ ລາພຣະຄຸນຄູ່ຄອນເດີນດົງດັ້ນ ອາຮົມທ້າວປອງໄປເປັນປໂຍດ ດັ້ນລອບບ້ານຖາມຊັ້ນສືບດູ ລືນາດໄທ້ທົງຜນວດລີລາ ເດີນດຽວຕົກຕ່າງຊຽງຊາວແຍ້ ຍັງເລົ່າຜາກົດແຈ້ງຈຳປານັຄເຣດ ເມືອງໃຫ່ຽໃຕ້ລຸ່ມຟ້າ ພັນທ້າວທອດທອງເຂົາຂ່າວກ້ຳປະເທດແຫ່ງຫິມະວັນກໍມາ ຊາວຄາຂຽວກ່າຍກະໄດເມືອ ຟ້າ ແຫ່ງນັ້ນແດນຄົນແທ້ແດນຜີທ່ຽວທ່ອງກັນດາຍ ແດນຍ່າເຍີ້ທຽວຕ້ານຕໍ່ເຖິງ ເຂົານັ້ນ ຍາມດຸ່ງດັ້ນເດີ່ນວິ່ງເວຫາເປັນເຜົ່າພົງພຣະຍາທອນທ່ອງບົນບິນຜ້າຍ ທຽວເຖິງເຊື້ອສາ ຣະມອນມີຮູບ ຄັພວິກເວັ້ນວ່າງທ້ອງແມ່ມາ ແທ້ແລ້ວ ຍັງເລົ່າປະກອບດ້ວຍໃຄເຫື່ອຫິວ ຫາຍ ເພາະວ່າກິນຂອງດິບບໍ່ຈຽວຈືນຕົ້ມ ອັກໂຂລົ້ນອະລັດຊີຊາດຕ່າງ ໂດຍດັ່ງເຣື່ອງລືໄວ້ມາກມູນແທ້ແລ້ວ ເມື່ອນັ້ນ ສົມປະເສີດເຈົ້າຄະນິງຮ່ຳຫາການ ຮົມເພິງເຖິງບໍ່ລືມນາງ ນ້ອຍ ຮູ້ວ່າຫຼອນຫລົງຄ້າງແດນໄກກ້ຳເພື່ອນພາຍພຸ້ນ ຮູ້ບໍ່ພັ້ງພຣະອົງຍ້າຍຍ່າງເຊີງ ຄັນ ຮອດບ້ານບິນບາດພໍສັນ ວັນຄືນເດີນດຸ່ງເຖິງພາຍຫນ້າຟັງຍິນໂກກິລາສ້າມສວານສຽງຮ້ອງຮ່ຳ ເຖນໃຫ່ຽຍ້າຍເຊົາຮັ້ງຮົ່ມຂວາງ ນັບແຕ່ຂ້າມເຂດບ້ານພົ້ນສິ່ງສາມເດືອນ ນີ້ແລ້ວ ຫຼິງເຫັນຄີຣີຍາວຍ່າຍພູມະນັງຂັ້ນ ກາສະທຶງສ້ຽວແສນກໍກາງເຫລົ່າ ໄຟລ່ວງແຜ້ວເຜົາດ້າວດ່ານດົງ ຟັງຍິນກຸກກູຮ້ອງຮຽງແມ່ມະຍຸຣາ ພຸ້ນເຢີ ມະຫາເຖນເຖິງເຖື່ອນໄພພູສ້ານ ຟັງຍິນສວາໆ ຮ້ອງຮຽງຄະນານົກໄສ່ ພາຍປ່າເປົ້າລົວລໍ້ບ່າງບົນ ແມ້ງນຶ່ງ ເຖິງທີ່ຫ້ວຍເຫວຕາດຄຳຫລວງ ວັງຍາວທົບທັ່ງຫິນເຫວກ້ອນພະລານພຽງພື້ນຄົນເຄີຍພັກເພິ່ງ ທີ່ນັ້ນຂ້າກໍ່ກວ້ານປະສ້າງຊົ່ວລາງ ໂສພາບພ້ຽງເພິງທີ່ຄວນປະສົງ ມີທັງທານທະຣາໄຫຼຫຼັ່ງລົງຣິນຍ້ອຍ ພໍເມື່ອເຖນເຖິງແລ້ວເລີຍເຊົາພັກເພິ່ງ ເດືອນດ່ວນສ້ວຍແສງຄ້ອຍຮົ່ມຜາ ໃກ້ຮຸ່ງເຄົ້າຂັນຖີ່ທຸກຄອນຍຸງແງວງັນເຖື່ອນແຖວໂຖງຜູ້ ມະຫາເຖນເຈົ້າເຈັຽຟັນບ້ວນປາກ ນ້ຳລູບນິ້ວກອນຫນ້າສ່ວນສົງ ແລ້ວຖ່າຍຜ້າເພັງພ່ຳພາວະນາ ປາຣະມີຫຼວງຈົ່ມຈິງຈວນແຈ້ງ ພໍປະມານມ້ຽນມະຫາສົມສັນໂພດ ແລ້ວແຕ່ງຜ້າເດີນດັ້ນດຸ່ງໄປ ນັບແຕ່ຂ້າມປ່າໄມ້ດັ້ນດຸ່ງເຈັຽຣະການ ຕົນດຽວເດີນຮອດແດນນະຄອນທ້າວ ຫຼິງເຫັນຊຽງຫຼວງລ້ຳລຸງລັງລ້ານຍ່ານ ເດັຽຣະດາດລົ້ນລືຖ້ວນຖິ່ນສລາ ຊະພົ່ມພ້າວລົມເບີກໃບໄຫວ ປາການກວມກໍ່ເຈັດສາວເຊື້ອກຸມມາຣີລູກມິ່ງ ງາມເລີດເລັມເລັງຜ້ຽນຜ່ອງຜິວ ເນື້ອຮາບກ້ຽງຄັນທະຊາດ ບົວບານ ເກສີສລຽມລູບມັນມວຍດົ້ວ ຄີງຄຽນແກ້ວແສນສາຍປະດັບຄາດ ສະໃບບ່ຽງຜ້າແດງດ້າມດອກຄຳ ຍົດຍິ່ງປ້ອງປຸນສິ່ງສາວສວັນ ໃຄຄອຍເຫັນເມື່ອຍຕົນຕາກະດ້າງ ພໍເມື່ອມະຫາເຖນໄທ້ທົງທັມກຸສຣາດ ເດີນຮອດແລ້ວກາງຄຸ້ມຂ່ວງປາງ ເຂົາກໍສົນໆເຂົ້າຍາ ຄູຕັກບາດ ມະຫາເຖນຣາຊເຈົ້າແລແລ້ວລວດກະສັນ ສເນໜ່ວງກ້ຽວກັ້ນສວາດພຣະທັຍ ທວງ ລອນທໍ່ຜາຍເຊີງຊວັນຂາດຕົນຕາຍເຟື້ອງ ພູມີຮູ້ຣົມເພີງສອງພາກ ທຸກນຶ່ງແລ້ວສອງຊ້ຳໃຫມ່ມາແລນໍ ພຣະຄ່ອຍເຍື້ອນຮອດຫໍຣາດມະຮາມຂວາງ ຈຽມປາງປົດບາດດີດາຕັ້ງ ໃຈເລົ່າຍັງກະສັນແກ້ວເຈັດນາງແຄ້ນຄັ່ງ ເຂົ້າບາດເຈົ້າບິນໄດ້ຄ່ອຍສັນ ແລ້ວເລີກມ້ຽນຖອຍພາກພາທີ ກຳເດົາຂລັງຢູ່ທົນທວງບ້າເປັນດັ່ງເພຕາຕ້ອງຜາໂຄມຄຸງຫາດ ຣຶຈັກຊັກຮິບຮ້ອນເອົາໄດ້ດັ່ງຮຶ ນີ້ເດ ອັນນຶ່ງນະທີຫຼວງລົ້ນຍຸຄັນທອນລຶບໂລກ ຮຶຈັກແກ້ເກື່ອຍໃຫ້ຫາຍບ້າບໍ່ເປັນ ເທື່ອນີ້ ປຸນປຽບໄດ້ໂດຍສ່ວນສອງປະການ ກໍບໍ່ມີອັນທົນທີ່ກະສັນເສັຽໄດ້ ສັນໃດໄດ້ນາງແມນເມື່ອສູ່ສົມນັ້ນ ເຈັດສ່ຳນ້ອຍນົງຫນ້າແມ່ດຽວ ຄວນກູຖອນຄືນເຂົ້າເປັນພຣະຍາສອງເທົ່າຈິງເຖີ້ນ ແລ້ວຈິ່ງນຳເຄື່ອງແກ້ວເຖິງເຖົ້າເສດຖີ ຂໍເອົາແກ້ວກັນລະຍາເມືອຮ່ວມ ແມ່ນຈັກຂີນທ່ານໄດ້ພັນຊ້າງມອບມວນ ແທ້ແລ້ວ ຄ້ອມຮ່ຳແລ້ວເຖນໃຫ່ຽລີລາ ເອັງຊຸສີສົມສັ່ງຄືນຫາຫ້ອງ ຢູ່ດີເຢີຣາຊຄູເຈົ້າຈອມທັມທິຣາດເຈົ້າຈົ່ງຍືນໝື່ນມື້ມາໄຂ້ຄ່ອຍ ຄົງ ແດ່ເນີ ເມື່ອນັ້ນ ອົງທັມເຈົ້າໃຈຄາມຂານຂອບ ໄປຢ່າຂ້ອງເຂັນຮ້າຍຮ່ອມໃດລູກເອີຍ ເມື່ອນັ້ນ ເຖນໃຫ່ຽຍ້າຍລຸກເລີກລາໄປ ແຍງສະພານທອງທີ່ທາງທັນເຄົ້າ ທີ່ນັ້ນຂົວທອງຂ້າມຍົມມະນາຍາວໂຍດ ໄດ້ຫ້າຮ້ອຍວາດ້າມທ່ຽງຈິງ ພົມກໍອະທິຖານໄວ້ປະຖົມລາງລືກ່າວ ບໍ່ມີນ້ຳທັງສ້ອຍສ່ຽງບຸນ ໃຜຜູ້ບັງຂລັງແຄ້ນດາປຸນໄປສ່ຽງ ວາງບໍ່ນ້ຳສາຍສ້ອຍສ່ອງຫາ ຫາກຈັກເຫັນຮ່າງດ້ວຍໂດຍດັ່ງດອມເງົາ ແມ່ນຊື່ບຸຮານຮຽງສ່ງອຫາເຫັນຫັ້ນ ພໍເມື່ອ ເຖນເຖິງແລ້ວແຍງດູນ້ຳບໍ່ ເຫັນຮູບນ້ອງນາງຫຼ້າຢູ່ໃນ ຝູງພີ່ພ້ອມເອື້ອຍທ່ານທັງຫົກ ຍັງກວງໄກຊົ່ວພໍພັນເສັ້ນ ມະຫາເຖນເຈົ້າໃຈຄາມຄະນິງມາກ ຈິດຈອດແກ້ວກະສັນຮ້ອນເຮັ່ງແຖມ ເຈົ້າຄ່ອຍຍ້າຍເຍື້ອນຍານໂຮມແຮງ ກາຍທີ່ນາເນືອງເຖິງເຖື່ອນຫລວງຫລາຍຊັ້ນ ອາດູນຮ້ອນຮົມເຖິງນ້ອງນາດນົກເຮັ່ງຊັ້ນຊົມຕ້ອງຕື່ນລາງ ເລັງດອກດ້າຍບານແບ່ງຕີນຜາ ກຽງລົມລຽນຍາບຍອຍປະດັບດ້າວ ພູມມະຣາ ສະແຫວງຄອຍຄັນທະຊາດ ມີໝູ່ນົກໄສ່ເຕັ້ນກິນບົ້ງຕ່ອຍຕອງ ພິເສດໄທ້ເຖນດຸ່ງເດີນ ເຣວ ການຄີຣີຮອດແດນນະຄອນທ້າວ ຈວນໃຈຄ້າມຄະນິງແພງພົ້ນຍິ່ງ ອົກອັ່ງສະທ້ອນສະເທີນໄຫ້ກໍໃຊ່ຫົວ ເຫດວ່າໜອງໝື່ນຊັ້ນສອງພາກເພັງສເມີ ເປັນດັ່ງແປວທະຣາໄຫຼຫຼີກ ຄອນໃຄໄດ້ ເມື່ອນັ້ນ ຄວາມເພັງພື້ນເປັງຈານຮູ້ເຫດ ເຍົາວະຣາດຜູ້ຄີງຄ້ອມແມ່ເມືອງ ໃຫ້ປ່າວທ້າວທຸກຂອບຂຸນນາຍ ໂຮມພົນເປືອງປ່າວປຸນໄປຕ້ອນ ທົມໆພື້ນນະຄອນຄົມຄົນຄັ່ງ ທຸກທີ່ຂ້າເຂົາຊ້ອຍຊື່ນບານ ຄືຄູ່ເທເວດພ້ຽງມະໂລກລິນທະຣາ ເດັຽຣະສານຊົມຊື່ນປະດາດອມນ້ຳນົງເຍົາສ້າງສິບເຮືອງຮັກຣາດ ເຖິງທີ່ຜູ້ຜົວແກ້ວກາບກອນ ນ້ຳພຣະ ເນດລົ້ນຮຳຮາດອຸຣາທອນ ພູມີເມີນມຸ່ງດູດາຖ້ວນ ພຣະກໍມີຄຳເທົ້າໄອຍະໂກມະຫາເອກ ສູຄ່ອຍຄ້ຳພົນຖ້າສຳຣານ ແດ່ຮື ເມື່ອນັ້ນໃຍ່ໆນິ້ວທູນທອນສີຣະສາ ເທື່ອນີ້ບຸນບາທົນ ຫົ່ມຕູຝູງຂ້າ ຈອມແຕ່ຈອມຄຸນຄ້າຍຄາຈອນເຈັຽຣະຈາກ ມັດແມ່ງຖ້ວນໃຈນ້ອຍວັ່ງວອນ ເໝືອນດັ່ງນີ້ໂຄດຄ້ອມແຄມທ່າຊະລາໄຫຼ ຄອງວ່າວາຍວັນຄືນບໍ່ເປັນໄປໄດ້ ອັນນຶ່ງ ເປັນດັ່ງຖົກຖອນໄວ້ຍັງຫາກເຫີນປີກ ຄຸດຂນາດນ້ອມນອນຄ້າງແຄ່ຕົມ ນັ້ນແລ້ວ ພາກນຶ່ງຄືຄູ່ຟ້າຟາງຂາດແສງສູນ ເມທະນີດົນມືດມົວມີແຈ້ງ ບັດນີ້ ພູມີເຈົ້າມາເປືອງປົດໂທດ ລ້າງບາບເບື້ອງຝູງຂ້າຂອບຄຸນ ແທ້ແລ້ວ ເມື່ອນັ້ນ ມະຫາເຖນເຈົ້າຍິນດີດອມໄພ່ ສະເດັດຊູ່ສ້າງເຂົາເຈົ້າແຫ່ຕາມ ແຕ່ນັ້ນຄວາມແຜ່ເທົ້າເສນາດໃນສນາມ ບົວນາງທັງມົນຕີ ຫຼັ່ງມວນມາພ້ອມ ຄືຄູ່ອິນທະໄລລ້າງກະເສຣາລງໂຜດ ສະພັ່ງນິ້ວທູນຊ້ອງກ່າວຄະດີ ເທື່ອນີ້ ບຸນແຈ່ມເຈົ້າກວມໄພ່ພົນແສນ ພູມີຍັງຄ່ອຍຄືນມາສ້າງ ຟັງຍິນທົມໆກ້ອງໂຍທາ ຄັບຄັ່ງ ແຫນແຫ່ເຈົ້າເຖິງຫ້ອງຮົ່ມຂວາງເມື່ອນັ້ນ ເຖນຖ່າຍຜ້າຜາຍຮອດມະຮາມຫຼວງ ມຸນຕີປະດັບຄັ່ງເຕັມເກີຍກວ້າງ ພໍຍາມມ້ຽນມຸນຕີມະຫາເອກທູນທ່ານທ້າວຖາມຖ້ອຍຮອດ ພຣະນາງ ຍັງຂ່າວນ້ອງນົງແກ່ນຂະນິດຖາ ແດຮື ຝຸງຂ້າຄອງຄຳມີຊູ່ວັນວຽນຕ້ານເມື່ອນັ້ນ ເຖນຖແລງຖ້ອຍທົງທັມຕ້ານຕອບ ໃຜບໍ່ຮູ້ເຫັນແຈ້ງທີ່ມີເຈົ້າເອີຍ ນັບແຕ່ເດີນດຸ່ງຂ້າມຫຼາຍຍ່ານນະຄອນຂວາງ ຫຼາຍພາສາຕ່າງຊຽງຊາວຄ້າ ເຊັງນະຄອນທ້າວຈຳປາປຸນປະເທດທຸກທ່ວຍໃຕ້ລຸ່ມຟ້າໂຮມຫັ້ນຊູ່ຊຽງ ເຮົາດຸ່ງດັ້ນເດີນຮອດນະຄອນຂວາງ ຍຸກະເສີມສຸກຊູ່ເມືອງມາເຕົ້າ ສະເພົາທຽວເທົ້າແດນຜີຟ້າຕໍ່ແມ່ນມ່ານທໍ້ຫຼາຍເຊື້ອຊຳແຊງ ຄຸງ ຂອບຟ້າເຂົາດ່ານແດນຜີກໍມາ ຊາວຄາຂຽວກ່າຍກະໄດເມືອຟ້າ ໃຜບໍ່ປິປາຍຕ້ານຄຳເພິງ ພໍກ່າວ ເໝືອນວ່າຊັ້ນສ່ຳເຊື້ອຊຽງກ້ວາງກ່າວໄກ ຍິ່ງແລ້ວ ຫຼາກໆແທ້ທຽວຕ່າງພາສາ ບາງພ່ອງຄີງຂາວກໍກ່າຍດຳດູຮ້າຍ ອັກໂຂລົ້ນຫຼາຍຊຸມຊາດຕ່າງ ຕາມດັ່ງເຣື້ອງລືໄວ້ມາກມີ ຄັນວ່າກາຍແກ່ວພຸ້ນເຂົາຂ່າວພຣະຍາຍັກ ອັນແຕ່ວິໄສຄົນບໍ່ລອນເຣວໄດ້ ປຸນດູນ້ອຍນົງຄານໄປຮອດ ພາຍພຸ້ນ ກໍຫາກພົ້ນແພ່ງດ້າມດາຫຼຸ້ຍລ່ຳດາຍ ແທ້ແລ້ວ ຄັນວ່າໄດ້ໜໍ່ ແກ້ວກຳເນີດໂພທິຍານ ບຸນເພັງຜາຍຂົ່ມເອົາດາໄດ້ ບັດນີ້ ກູກະສັນສາວເຊື້ອກຸມະຣີເຍົາ ວະຣາດ ເຈັດສ່ຳນ້ອຍນົງເລັມກູກພາມ ແທ້ແລ້ວ ພໍ່ນັ້ນເປັນເຜົ່າທ້າວຜູ້ຜ່ານນະຄອນຫຼວງ ສິນຄວນຄືຄູ່ຊາຍໃນນ້ຳ ມິໃຊ່ສາມານເຊື້ອສະກຸນພາບ ກະດຸມພິດ ບົດຫໃຫ່ຽລ້ຳກຽນກວ້າງທົ່ວແດນ ບັດນີ້ ເຮົາໃຄ່ໄດ້ເປັນມິ່ງມະເຫສີ ອົງກູຈກໃຄ່ລາຄຸນແກ້ວ ເອົາຕົນເຂົ້າຄອງນະຄອນສອງເລົ່າ ສູທ່ານເຖົ້າເຫັນດ້ວຍຣຶນີ້ເດ ເມື່ອນັ້ນ ສວ່າໆພ້ອມອາມາດໂຍທາ ໂດຍອາສາແອ່ວເອົາດາຍໄດ້ ແມ່ນຊື່ການແສນຊັ້ນຊິຂໍເຕີມຕາມຣາດ ບຸບພິຕຣາດເຈົ້າຍາຮ້ອນຮ່ອມໃດ ເມື່ອນັ້ນ ຜູ້ກົ່ງທ້າວທົງເພດເປັນພຣະຍາ ວາງທັມຖວາຍຜນວດລລາໄວ້ ບົວນາງລ້ອມລະວັງເພັງພື້ນລ່າງ ຖວາຍເສື້ອຜ້າທັງມ້າວມິ່ງແວນ ເມື່ອນັ້ນ ຮື່ນໆພ້ອມເສເນດນິຣະມົນເຊີນພູມີສເດັດສູ່ຊຽງຄົນເຄົ້າ ວັນນີ້ອຸຕໂມແທ້ອຸດົມອັນປະເສີດ ຄວນຈັກອຸບພິເສກເຈົ້າຈອມສ້ອຍຊອບຄະດີເປັນຮີດດ້ວຍເດີມກ່ອນມີມາ ເປັນມຸງຄຸນແຕ່ເພັງເຮົາຮູ້ ເມື່ອນັ້ນ ພູບານຮູ້ປຸນຄຳຂານຂອບ ຟັງຍິນຕຸຣິເຍດຍ້າຍກອງ ຄ້ອງເສບສັງ ພິນພາດໃຄ້ແຄນຄຸຍຂານຊໍ ແຕສັງສູນກອມພິນໂພນໂຫຼ້ ຈັນທາໄທ້ເທວີຣະວັງຣາດສນົມໜຸ່ມປ້ອງຢັງຫຸ້ມແຫ່ແຫນ ວັນສຸກກ້າງາຍງານໄຊຍະໂບກ ຄວານກ່ຽວຊ້າງເຊີນເຈົ້າສູ່ພາຍ ພູວະນາດຂຶ້ນຊ້າງຜາບພາຍຂວັນ ເຮືອງໆດວງມະນີມາດມຸງເມືອງທ້າຍ ທຸກະດາແລ້ວລຳງາປ້ອງຖີ່ ແກ້ວຂ່າຍຂໍ້ແຂວນເລັມລຽບຮາວ ນາງເອກຕັ້ງຊ້າງຖ່າວມະນີນິນ ດາວຄຳປະດັບຮູບລວງຣະວັງຂ້າງ ລ່ຳນັ້ນ ສາວສນົມຊ້ອນນາງພັງຄັບຄັ່ງ ຂຸນຂີ່ມ້າເຕີນແສ້ແວດຣະວັງ ທາງທ່ອງເທົ້າປູກພວກແພລາຍ ພູມີສະເດັດດ່ວນພາຍຄົນກຸ້ມມິນານເທົ້າເຖິງຄອງຄວງຣາດ ປະດັບຮົ່ມກັ້ງກອງແກ້ວເຮື່ອເຮືອງ ພຣະບາດຍ້າຍຈາກຊ້າງເສເນດເຊີນສະເດັດ ພາມທວນເຖິງລິນຄຳສະຖິດອາດເທິງກອງແກ້ວ ເມື່ອນັ້ນ ນາຍຈຳຕ້ອງເພຣີເຄົ້າຄື່ນສົມໃຫ່ຽຍ້າຍກະອອມແກ້ວຫຼັ່ງລົງ ຖັດນັ້ນ ເສເນດທ້າວທວຍທອດສົງຕາມ ບົວນາງປະດັບຫຼັ່ງເຕີນຕາມຂ້າ ເຊັນໆນ້ຳຄັນທະເສນຮວຍຮວາດ ຫອມຮ່ວງເຣົ້າໂຮຍເທົ້າທົ່ວປາງ ຟັງຍິນສວ່າໆພ້ອມພົນພວກສາທຸການ ເຂົາກໍຜາຍເງິນຄຳຫວ່ານທານຣືໄຮ້ ຄົນກົມກ້າມກວນກັນຊີງຍາດ ລາງພ່ອງສິ້ນເຂີນເນື້ອໄປ່ແປນ ສວ່າໆຂ້າເຂົາຮ່ຳໂຮສຽງພູມີຜາຍເຊີງເຖິງແທ່ນຄຳຄົນເຝົ້າ ສຽງສູນພ້ອມເພັງຣະບຳພິນພາດ ຕີເສບເຈົ້າລຸ່ມຟ້າຣະງົມກວ້າເກິ່ງສວັນ ສະພັ່ງພ້ອມພາມມະນາດປະໂຣຫິດ ຮຽງມືປະດັບອ່ານພອນຖວາຍເຈົ້າ ມຸນນາຍພ້ອມຖວາຍທຽນທູນບາດສະເດັດເລີກແລ້ວ ດາມ້ຽນເຄື່ອງຄຳ ພູໃຊ່ທ້າວສເວີຍຣາດເປັນພຣະຍາ ຈົງໃຈຫອມໄພ່ໄທທັງຄ້າຍ ບັພຊາບັ້ນນິທານທັມກ່າວ ແລ້ວທໍ່ນີ້ຖວາຍໄທ້ພຣະຍອດຄຸນກ່ອນແລ້ວ.